Faiq Yusifoğlu

Yenə naftalin iyi verənlər düşüblər ortalığa. Başqa siyasi partiyaların da fəaliyyəti görsənmədiyinə görə naftalin iyi basıb aləmi. Doğrusuna-yalanına baxmadan nə gəldi danışırlar. Hədəfləri də Elçibəy. Amma stil eynidir. Srağagün Şah babamız Xətaiyə, dünən Rəsulzadəyə və bu gün Elçibəyə atılan çamurlar, daha doğrusu çamur atanlar eyni mərkəzdən idarə olunduğu görsənir. Elçibəyə çamur atanların kimliyinə baxanda adamın lap ürəyi bulanır. İlk gündən onunla bir yerdə gəlib sonra onun uğurlarını görən kimi paxılliq hisslərini gizlədə bilməyənlər. Rusiya və İranın xüsusi xidmət orqanları ilə əməkdaşlıq edənlər. Üsyançılarla, qeyri sağlam müxalifətlə iş birliyində olub Milli Elçibəy hakimiyyətinə qarşı çıxanlar. Milli hökumətin yıxılmasında canfəşanlıq edərək əslində millətə xəyanət edənlər. Bunlar nə üzlə də çıxıb deyirlər filankəs filan edib? Kişilik məsələsin bir kənara qoyaq. Adamlıqdan da keçib. Yəni heç nə qalmayıbmı?

Əslində bunlara cavab vermək də istəmirdim. Cavab vermək belə bunları şərəfləndirmək olar. Amma dünən dostlarımızdan birinin də bunlarla nələrisə müzakirə etdiyini eşidəndə yazmaya bilmədim. Az da olsa həqiqətə töhvəmiz olar deyə düşündüm. “Rus ordusunu Azərbaycandan Elçibəy çıxartmayıb”. Hansı dərrakədə olmalısan, İçində nə qədər kibr olmalıdır ki bu iddiaya düşəsən? Rus ordusu Azərbaycandan ən azından Elçibəy hakimiyyəti zamanı çıxarılıb. Bunu ki, danmaq olmaz.

Elçibəy Yeltsinlə təkbətək görüşür. Bəyin yanında Yeltsin o vaxtkı müdafiə naziri Qraçova zəng vurur. –Ordunu Azərbaycandan çıxart. Elçibəy Yeltsinin yanından çıxanda qəbul otağında Qraçovu görür. Qraçov qaça-qaça özünü çatdırıb ki bu nə məsələdi. Elçibəy kinayə ilə ona gülümsəyir.

– Get ordunu çıxart.

 – Ordu çıxsa hakimiyyətindən keçməli olacaqsan.

 – Başımdan da keçərəm. Sən ordunu çıxart.

Bu hadisə bu günədək müzakirə olunur. Necə oldu ki Elçibəy buna nail oldu? Qonşu Gürcüstanda Qamsaxurdiya da, ondan sonra Şvernadze də kəskin mövqelərinə baxmayaraq uzun illər buna nail ola bilmədilər? Elçibəy buna xüsusi önəm verirdi. “Müstəqilliyin birinci şərti onu elan etmək, ikinci şərti ərazində başqa dövlətin ordusunun olmamasıdır. Olacaqsa yarımmüstəqil olacaqsan” ... Meydanda oturub- durmaq məsələsi çox müzakirə olunur. Əslini astarını bilən də danışır, bilməyən də. Hərə də öz bildiyi kimi danışır. Əminəm ki o vaxtkı meydan “qəhrəmanı”mız bunun səbəbini bilir. Amma niyə doğru düzgün danışmır onu bilmirəm. Bəlkə də bilmir. Bilmirsə deməli o vaxt onu adam yerinə qoyan olmayıb. Yəni meydanı onsuz idarə ediblər.

Meydana bir milyondan çox adam toplaşır. Bunun nə qədər məsuliyyətli olduğunu anlayanlar təxribat törədilməsindən ehtiyat edirlər. Elçibəy dostlarına deyir ki, elmlər akademiyasında  (bəlkə də BDU-da) bir nəfər var (adını unutmuşam). Sovet dövründə “kütlə psixologiyasının idarə olunması” mövzusunda elmi iş yazıb. Sonra həmin işi Moskvaya aparıb itiriblər. Gedin onu gətirin. Həmin adamı tapıb meydana gətirirlər. Bəy vəziyyəti anladır. Yaşlı kişi tribunadan meydanı süzür. Qayıdır ki – Otuzdurun onları yerə. O vaxt da tribunada Nemət olduğundan ona deyirlər milləti otuzdur. Oturmayanda təhqirə keçib. “Oturmayan ermənidir” və s. Kütləni idarə etmək, təxribatçıları yaxalamaq üçün oturmaq lazım imiş. Amma bunu heç kim öz başından etməyib. Bəyin istəyi ilə və ora gətirilən adını unutduğumuz ziyalının göstərişi ilə olub.

Meydan hərəkati dövründə özlərini gözə soxmadan o hərəkatı idarə edənlər var idi. Yoxsa meydan hərəkatı o qədər təzyiq altında elə yüksək səviyyədə davam edə bilməzdi. Bir də təbii ki bu günkü kimi gözü özlərindən başqa kimsəni görə bilməyən liderlər var idi.

 Meydanı kimin idarə etməsinin sübutu olaraq daha bir epizodu xatırlatmaq istəyirəm. Meydan hərəkatı vaxtı şayiələr yayırdılar ki camaatı meydana yığıb evləri oğurlayacaqlar. liderlər də evə getmirdilər. Abşeron otelində dincəlir, müzakirə aparır, məsləhətləşirdilər. Gecənin bir yarısı bir nəfər layka plaş geymiş gənc oğlan otele yaxınlaşır və Elçibəylə görüşmək istədiyini bildirir. Ona deyirlər ki, Bəy təzə gəlib. Dincəlir. - Bəyə deyərsiz ki, nə qədər ki meydanda mitinqlər gedir Bakıda bir dənə də oğurluq olmayacaq. Deyir və çönüb gedir…

Bölməyə aid digər xəbərlər

16 Sent 2020 İmam Hüseyn cəsarəti, İmam Museyi Kazım dəyanəti – TOFİQ YAQUBLU DAVASI

10 Mart 2020 “Kimlə gəldi, necə gəldi…” azadlığı

08 Yan 2018 Elan edilən "Cümhuriyyət maketi"

13 Noy 2016 Əzilmiş kağız parçası

27 Okt 2016 Əcəm qızı-hekayə

18 Okt 2016 Mən kiməm və ya sehrli çubuğun nağılı - E s s e

29 Sent 2016 TƏLƏBƏ QIZ -HEKAYƏ

27 Sent 2016 Kirayələnmiş fahişə

23 Sent 2016 Referendum, biz, iqtidar və taleyimiz

21 Sent 2016 Rəhbərin qayıdışı- hekayə

19 Sent 2016 Qanlı ehtiras -HEKAYƏ

07 Sent 2016 Azərbaycanda mövcüd şəraitdə yaşamaq intihara yol açır

06 Sent 2016 Azərbaycan “özbəkistanlaşır”

06 Sent 2016 Tehranda bir gecə...

21 Avq 2016 Gülənin narkotik əvəzləyici kitabları

18 Avq 2016 Qırıq Kamança - HEKAYƏ

10 Avq 2016 TƏNDİR ÇÖRƏYİ

10 Avq 2016 Türkiyədə xalqı meydanlara çıxaran Ərdoğan sevgisi deyildir

09 Avq 2016 Ərdoğanı nə gözləyir?

04 Avq 2016 Ana öyüdü

03 Avq 2016 Qurbanovun səhvi, yoxsa bəlanın “müjdə”si?

22 İyul 2016 Qatilin son arzusu – Hekayə

19 İyul 2016 Şərəfli savaş, yoxsa Ərdoğanın məkrli tamaşası?

14 İyul 2016 ELAT bayramına toxunmaq olmaz!

07 İyul 2016 Ərdoğan Putindən niyə üzr istədi?

06 İyul 2016 Qadın olmaq... – Hekayə

27 İyun 2016 Heykəl fərqi...

24 İyun 2016 Elçibəy – Ümummilli birliyin simgəsi

17 İyun 2016 Qaranlıqdan gələn adam və ya İblisin kölgəsi - hekayə

13 İyun 2016 “YAZIÇI” SÖZÜ QAN TURALIDAN BEZİB

Xəbər lenti