“Beynəlxalq aləmdə Azərbaycan və İran bir-birilərini dəstəkləyiblər və müxtəlif problemlərə çox oxşar mövqeləri var”.

“Qafqazinfo” İran KİV-ə istinadən xəbər verir ki, bu sözləri prezident İlham Əliyev həmkarı Həsən Ruhani ilə görüşdə səsləndirib. Prezident bildirib ki, bugünkü görüşdə Həsən Ruhani ilə regional inkişaf, eləcə də terrorizmlə mübarizə məsələləri müzakirə edilib:

“Biz şadıq ki, ABŞ və Rusiya gələn həftə sonu reallaşacaq hərbi əməliyyatların dayandırılması ilə bağlı razılığa gəliblər. Biz daha əvvəl də vurğulamışdıq ki, Suriya böhranının həll olunması üçün istənilən siyasi təşəbbüs atəşkəsin əldə olunmasına yönəldilməlidir. Suriya xalqı öz gələcəyi ilə bağlı qərar qəbul etməlidir. İran və Azərbaycan bu məsələdə ortaq mövqeyə sahibdir”.